Біл і Эліс – пара, што стварае ўражанне шчаслівых людзей, якія жывуць спакойным жыццём у поўным дастатку. Але за фасадам ідэальных стасункаў прыхаваная рэўнасць, незадаволенасць, таемныя жаданні і прага нечага звышнатуральнага. Першы крок робіць Эліс, апавядаючы мужу пра свае фантазіі. Біл, спакутаваны рэўнасцю, ідзе далей, выходзячы за межы думкаў і словаў. Ён наяве адпраўляецца ў п'янлівую сэксуальную адысею, кіруемы спакусай і неспазнанымі перажываннямі. Калі б у пачатку шляху ён ведаў, што будзе марыць адно аб магчымасці вяртання да свайго звыклага сямейнага жыцця, ён бы не паверыў, бо спакуса пакаштаваць забаронены плод была занадта моцнай…Апошні фільм таленавітага рэжысёра Стэнлі Кубрыка.Фільм выйшаў за некалькі тыдняў да яго смерці. Апошнім кінематаграфічным жаданнем рэжысёра была забарона на дубляж фільма на замежныя мовы. У замежныя пракаты "З шырока заплюшчанымі вачыма" выйшаў з субцітрамі.